Solene 2010

Viale Verona par 'sta Solene
ga da l'anima e anca el core insieme
tute le sere da Ricardo sol capanon
sempre con in gola ancora el bocon
a far bandiere, festuni e fiuri,
par onorar la Madona vizin a luri.
On ciacolar de gente co' tante idee
che rumar so la testa fasea continuo;
finché d'acordo i se metea
e ognun nasea vanti col so lavoro.
On puchi tajava, altri cusiva,
altri desfava le vece bandiere,
intanto la Greta scumiziava a far fiuri
par meterli in mostra sui cancei e su le siese.
Insieme laorando se intreciava discorsi
sui fati e so la vita del nostro paese.
Finché a on zerto punto Angelina sbecava:
ohh cara gente! Ve casa ... ve casa!!!
'Na sera nel'aria na voze girava:
ca' femo l'arco, zo là nel'entrata?
Sbalordii i se vardava, la parea
na proposta massa azardata!
Qualchedun suito se ga dà da fare
altri imbarazà che xe na drio
e in quatro e quatroto l'arco xe sta finìo.
Viva Maria jera scrito par sora.
Viva Maria ripetemo noialtri.
Oh cara Madona stane vizin
stendi el to manto so le nostre fameje
dona sostegno a chi ga bisogno
Pace e Speranza a chi no ghi nà.

Laura Mioli Bonin