LA FESTA DE LA SOLENNE 2005

(Via Montegrappa)

Che bela la festa de la santissima Maria,
la riva ogni sinque ani par farghe gioia alla dona pia,
che tanti ani fà da la ciesa xé sta spostà,
par fare dei lavori e rendere el luogo imbelletà.
Che bela la statua de legno presioso,
co' la gira el paese xé un momento meraviglioso;
tuta la gente la varda stupìa,
co' la parte dala piassa verso la via.
Se parecia in aprile tutti i montebelani,
par el giorno dela Vergine dei sinque ani,
se fa in casa cocarde e striscioni,
par dopo tacarli co' scale e scaloni;
non tuti i colabora, non tuti i se iuta,
ma nessun se rifiuta a ciapar complimenti.
Le vol essere fini le done nel fare,
che le xé disposte parfin a barufare;
se manca na s-ciona sula caena
o bianca o azura quasi le te mena;
se qualche cocarda non xé a distansa giusta,
vien fora na'dona che quasi la te frusta:
"così non se fa, così non va ben,
cava su tuto rifà par ben".
Insomma se barufa, se lavora, se sùa,
par rendere omaggio ala Santissima Sua
parché la intercieda su qualche malan
che ghemo noialtri o par el parente lontan.
Adesso ve saludo che gò da andar fora,
a mettere via le striscie par n'altra volta ancora.

Gianfranco Zeta